Saturday , February 24 2018
Home > Blog > ग्रेटर रशमोर नेपाली कम्युनिटीको सातौँ कार्यसमितिको बैठक सम्पन्न

ग्रेटर रशमोर नेपाली कम्युनिटीको सातौँ कार्यसमितिको बैठक सम्पन्न

Listen Gurkha Radio (गोर्खा रेडियो सुन्नुहोस)

लन्डन, नेपालीहरुको साझा संस्था ग्रेटर रशमोर नेपाली कम्युनिटी सातौँ कार्यसमितिको पहिलो बैठक सम्पन्न भएको छ । संस्थाका अध्यक्ष जीव बेलबासेको अध्यक्षतामा सम्पन्न उक्त बैठकले विभिन्न महत्वपूर्ण प्रस्ताव उपर छलफल गर्दै निर्णय समेत गरेको छ । नेपाली समूदाय र स्थानीय समूदायबीच आपसी सदभाव अभिवृद्धि गर्नको लागि आगामी ०८ अक्टुवरमा गरिने १० किलोमीटर रन र २ किलोमीटर फन रन, लागुऔसध एव मादक पदार्थ दुर्व्यसन शिक्षा विषयक भावी कार्यक्रम, भेट्रान विषयक गतिबिधि, स्थानीय काउन्सिल र प्रहरीसंगको त्रैमासिक बैठक, नेपाली नयाँवर्ष,भिक्टोरिया डे, नारिदिवसका अवसरमा गरिने कार्यक्रम, कम्युनिटी भवन, नेपाली कक्षा, ट्रष्टी लगायत विषयमा महत्वपूर्ण निर्णय गर्दै बैठकले सल्लाहाकारको समेत टुंगो लगाएको छ भने सम्पूर्ण सल्लाहाकारहारुलाई आगामी ३१ अगष्ट २०१७ साँझ १८.३० बजे रशमोर ब्रो काउन्सिलको चेम्बर हलमा स्वागत गर्ने कार्यक्रम रहेको छ । कम्युनिटी भवन र नेपाली कक्षा विषयको संयोजकमा निवर्तमान अध्यक्ष ओम थापालाई संयोजक तोकिएको छ भने उनको सहयोगार्थ उपाध्यक्ष नेम थापा, क्याप्टेन राजु गुरुङ, क्याप्टेन महेन्द्र लिम्बु र हर्क गुरुंगलाई तोकिएको छ । उक्त बैठकलाई सफल बनाउन अनौपचारिक रुपमा पटक पटक पदाधिकारी बैठक बसी पूर्व तयारी गर्नाले बैठक अत्यन्तै सौहाद्र र सफल रहेको कुरा बरिष्ठ उपाध्यक्ष एवं भेट्रान फण्ड तथा नेपाली नयावर्ष कार्यक्रमका संयोजक राम धन राइले बताए । संस्थाका सबैजसो सदस्यहरू सहभागी उक्त बैठकमा नयाँ मनोनित सांस्कृतिक सचिव दिनेश गुरुङ, सदस्य जुमकाजी गुरुङ, धुर्ब राइ, जगना गुरुङ र हर्क गुरुंगलाई अध्यक्ष जीव बेलबासे र निवर्तमान अध्यक्ष ओम थापाले खादा ओढाई स्वागत गरेका थिए । बैठक संचालन महासचिव मान गुरुंगले गरेका थिए भने सचिव युवन गुरुंगले सम्पूर्ण प्रस्ताव र निर्णयहरुलाई लिपिबद्ध गरेका थिए।

गोर्खा अनलाईन रेडियो सुन्नको लागि IOS प्रयोगकर्ता हरुले यहाँ क्लिक गर्नुहोलाANDROID तथा कुनै पनि साधनबाट सुन्नको लागि यहाँ क्लिक गर्नुहोला । यदि हामीलाई सम्पर्क गर्न चाहनुहुन्छ भने यहाँ क्लिक गर्नुहोला । साथै तलका मोबाईल एप्लिकेशनबाट पनि सुन्न सक्नुहुनेछ Untitled-1

Check Also

विदेशिएका युवाको कथामा आधारित चलचित्र ‘उल्झन’ को रेडकार्पेट बेलायतमा

Listen Gurkha Radio (गोर्खा रेडियो सुन्नुहोस) गोर्खा अनलाइन रेडियो यूके, लन्डन, रहर अनि बाध्यतावस अनेकौं …