Tuesday , November 21 2017
Home > Blog > आज असार शुक्ल एकादशी, तुलसीको विरुवा रोपिंदै

आज असार शुक्ल एकादशी, तुलसीको विरुवा रोपिंदै

Listen Gurkha Radio (गोर्खा रेडियो सुन्नुहोस)

गोर्खा रेडियो, आज असार शुक्ल एकादशी अर्थात हरिशयनी एकादशी पर्वलाई हिन्दू धर्मावलम्बीहरुली विशेष रुपमा मनाउने गर्दछन । निराहार व्रत बसी वैज्ञानिक रुपमा पनि बढी अक्सिजन दिने भनी प्रमाणित भएको मानव स्वास्थयको लागि पनि औषधिको रुपमा प्रयोग हुने तुलसीको विरुवालाई रोपर चार महिनासम्म विधिपूर्वक पूजा गरिन्छ । यि चार महिनासम्म व्रत बस्नेले केहि विधिहरुको पनि पालना गर्नुपर्ने हुन्छ, जसअनुसार साउनमा साग, भदौमा दही, असोजमा दुध र कात्तिकमा दुई दल भएर उम्रने चीजबीज खानु नहुने उल्लेख छ । चतुर्मासको रुपले पनि चिनिने यो चार महिनामा तुलसीको पूजा गरेमा मनोकामना पूरा हुने धार्मीक आस्था रहेको छ । कात्तिक शुक्ल एकादशी अर्थात् हरिबोधिनी एकादशीका दिनसम्म भगवान् विष्णु शयन गर्नुहुने भएकाले त्यसदिनसम्म विधिपूर्वक तुलसीको पूजा आराधना गरिने प्रचलन रहेको छ । वैदिक सनातन हिन्दु धर्ममा एकादशीलाई भगवान बिष्णुको उपाशना गर्ने दिनका रुपमा लिइन्छ । यहि कार्तिक शुक्ल एकादशी अर्थात् हरिबोधनी एकादशी पश्चात् मात्र मङ्गल लगन तथा मुहुर्तहरु सुरु हुने गर्दछन । चर्तुमाशभरि कुनै पनि मङ्गल कार्य जस्तै बिवाह, व्रतबन्ध आदिको लगन हुँदैन । जेठ शुक्ल एकादशीका दिन बीउ रोपी आजका दिन सारिएको तुलसीलाई छोरीका रुपमा घरमा हुर्काई बढाई हरिबोधिनी एकादशीका दिन दामोदर अर्थात् भगवान् विष्णुसँग विवाह गर्ने गरिएको भनाइ पनि छ । वर्षभरीका चौवीस एकादशीमध्य असार शुक्ल र कात्तिक शुक्ल एकादशीलाई ठूली एकादशीका रुपमा लिइन्छ ।

गोर्खा अनलाईन रेडियो सुन्नको लागि IOS प्रयोगकर्ता हरुले यहाँ क्लिक गर्नुहोलाANDROID तथा कुनै पनि साधनबाट सुन्नको लागि यहाँ क्लिक गर्नुहोला । यदि हामीलाई सम्पर्क गर्न चाहनुहुन्छ भने यहाँ क्लिक गर्नुहोला । साथै तलका मोबाईल एप्लिकेशनबाट पनि सुन्न सक्नुहुनेछ Untitled-1

Check Also

पर्वत वेलफेएर सोसाइटी यूकेद्वारा आचार्य र गिरि सम्मानित

Listen Gurkha Radio (गोर्खा रेडियो सुन्नुहोस) लन्डन– गत आइतबारका दिन लन्डनस्थित अल्डरसटको एम्पाएर हलमा पर्वत …