Tuesday , November 21 2017
Home > Blog > गायक आनन्द कार्की उपराष्ट्रपतिद्वारा सम्मानित

गायक आनन्द कार्की उपराष्ट्रपतिद्वारा सम्मानित

गोर्खा रेडियो, विश्व संगीत दिवसको अवसर पारेर गरिएको एक कार्यक्रममा सदाबहार गायक आनन्द कार्की उपराष्ट्रपति नन्द बहादुर पुनको हातबाट सम्मानित भएका छन् । नेपाली कला, संस्कृतीको माध्यमबाट राष्ट्रिय र अन्तर्राष्ट्रिय क्षेत्रमा पुर्याएको निरन्तर योगदान र सहयोगको कदर गर्दै गायक कार्कीलाई सम्मान गरिएको हो । बि.स. २०४२ सालबाट गजलमार्फत सागीतिक यात्रामा प्रवेश गरेका गायक कार्कीले गजल, भजन, आधुनिक र चलचित्रका समेत गरी तीन हजारभन्दा बढी गीत गाइसकेकाछन् । नेपाली गीतमा मात्र होइन, हिन्दी गीतमा पनि उनको उत्तिकै प्रभाव रहँदै आएको छ । सुमधुर स्वरका धनी आनन्द कार्कीले भारतको लखनउ तथा मुम्बईबाट संगीतसम्बन्धी शिक्षा हाशिल गरेका छन् । सर्वप्रथम “जीवनमा धेरै खोला तर्नुछ ” बोलको गीत शक्ति वल्लभको संगीतमा गएका थिए । सन् १९९९ मा लण्डनमा भएको सारेगम अन्ताक्षरीको उपाधिदेखि छिन्नलता, प्रवल गोर्खा दक्षिणबाहु लगायतका दर्जनौं पुरस्कारहरुबाट सम्मानित भइसकेकाछन् । स्टेज कार्यक्रमहरुमा खुलेर गाउने र दर्शक स्रोताहरुलाई मन्त्रमुग्ध पार्ने सक्ने खुबी भएका गायक कार्की पुराना पुस्तादेखि नयाँ पुस्तामाझ पनि उत्तिकै लोकप्रिय रहँदै आएका छन् । नेपाली सांगीतिक धरातलमा लामो समयसम्म निरन्तरता दिदै आएका कारण तथा उनले पुर्याएको अतुलनीय योगदानका कारण नै विश्व संगीत दिवसका अवसरमा उनलाई सम्मानित गरिएको हो । उक्त सम्मानले आफूलाई थप हौसला मिलेको र अझ बढी जोस र जाँगरका साथ् यस क्षेत्रमा निरन्तर लागिरहने गायक कार्कीले प्रतिवद्दता ब्यक्त गरेका छन् ।
गोर्खा अनलाईन रेडियो सुन्नको लागि IOS प्रयोगकर्ता हरुले यहाँ क्लिक गर्नुहोलाANDROID तथा कुनै पनि साधनबाट सुन्नको लागि यहाँ क्लिक गर्नुहोला । यदि हामीलाई सम्पर्क गर्न चाहनुहुन्छ भने यहाँ क्लिक गर्नुहोला । साथै तलका मोबाईल एप्लिकेशनबाट पनि सुन्न सक्नुहुनेछ Untitled-1

Check Also

पर्वत वेलफेएर सोसाइटी यूकेद्वारा आचार्य र गिरि सम्मानित

Listen Gurkha Radio (गोर्खा रेडियो सुन्नुहोस) लन्डन– गत आइतबारका दिन लन्डनस्थित अल्डरसटको एम्पाएर हलमा पर्वत …