Thursday , January 18 2018
Home > Blog > डा. बाबुराम भट्टराईलाई पत्र

डा. बाबुराम भट्टराईलाई पत्र

प्यारा ठुला बा,
डा. बाबुराम भट्टराई,
13007168_1220819904602336_4451133271636025981_nआज ठुलो बाले सहरमा नया पार्टी खोल्नु भयो, निम्तो पाएको थिए तर आउन मन लागेन । मलाई आउन मन नलाग्नुमा पनि कारण थियो ठुलो बा, आज भन्दा २१ वर्ष अगाडी हजुरले येस्तै देश बिकाशको नारा दिएर क्रान्ति गर्छु भनेर जंगल जान्छु भनि घरबाट बिदा हुनु भएको थियो तर जंगलको साटो भारत पस्नु भएछ । फर्किएर आउनु भो तर मलाई र मेरा साथी लाई भत्किएका स्कुल, पड्किएका स्वास्थ चौकी अनि लथालिङ्ग देश उपहार दिनु भो । दिदि मानुषी लाइ Ph.D पढाउनु भो तर रुकुम कर्णालीमा स्कुल हिडेकालाइ बन्दुक बोक्न सिकाउनु भो , २०५२ सालमा आफैले जन्माएको पार्टीलाई आज “जडसुत्रबादी अबसरबादी” देख्नु भयो । ठुलो बा, हिजो र आजमा केहि फरक छ भने हिजो क्रान्ति गाउ बाट गरौ भन्नु भो आज राजधानी बाट क्रान्ति हुन्छ भन्दै हुनुहुन्छ, हिजो बन्दुक पड्काउनु भो आज रंगशालामा माईक बजाउदै हुनुहुन्छ । हजुरले क्रान्ति गर्छु भन्दा २१ वर्ष समय गयो, १७ हजार शहिद भए देश ५० वर्ष पछाडी धकलियो, हिसाब दिनुस यसको पहिला कि त मैले बन्दुक उठाएर गल्ति गरे भनेर टुहुरा र बिदुवा संग माफी माग्नुस । बन्दुकको नाल बाट सत्ता निस्किन्छ भन्नु हुन्थ्यो , ठुलो बा बन्दुक बाट गोलि मात्र निस्कन्छ भन्नि सामान्य कुरा बुज्न हजुरलाइ २१ वर्ष लग्यो ; सत्ता आखिर चुनाब जितेर मात्र पाउनु भो ।

“ठुलो बा मान्छे लाटा छैनन्, नया तरिकाले मान्छे झुलाउने Corporate सैलीमा पार्टी खोल्नु भो , बरु सक्नु हुन्छ भने हिजो पड्किएका स्कुल बनाउं, बाटो खनौ अझ सक्नु हुन्छ भनि क्रान्ति कहाँ बाट संचालित थियो सबैलाइ भनिदिनुस अनि शहिद परिवार संग गएर माफी माग्नुस । अब थाक्नु भो होला ठुलो बा , परिवर्तन चाहने हो भनि मानुसी दिदि लाइ अगाडी ल्याउनुस किनकि हजुर हामी कसैका लागि नया कदापी होइन”

हजुरले सुरु गर्नु भएको क्रान्ति आज कहाँ छ हेर्नुस, प्रचण्डले पार्टीलाइ संसदबादी बनाई सके, बैध बा विचार र आदर्शको कुरा गर्दा एक्लो भैसके, विप्लप चाही बालकले प्यारो खेलौना छोड्न नमानेको झैँ बन्दुक छोडदिन भन्दै छन् । ठूलो बा, देश हजुरको प्रयोगशाला होइन कहिले बामपन्थी भै बन्दुक बाट कोशिस गर्ने कहिले संसदबाट कोशिस गर्ने, कहिले शहरमा करिश्मा र कान्तिपुरको बिज्ञापन बाट कोशिस गर्ने । ठूलो बा हजुर आज बामपन्थी हो कि होइन ? म अलमलमा छु । धर्मलाई अफिम भन्नु भो, स्कुलमा सस्कृत पढ्न दिनु भएन, आफुले चाही बा आमालाइ मानसरोवर लगेर धर्म कमाउनु भो । ठुलो बा मान्छे लाटा छैनन् , नया तरिकाले मान्छे झूलाउने Corporate सैलीमा पार्टी खोल्नु भो , बरु सक्नु हुन्छ भने हिजो पड्किएका स्कुल बनाउं, बाटो खनौ अझ सक्नु हुन्छ भनि क्रान्ति कहाँ बाट संचालित थियो सबैलाइ भनिदिनुस अनि शहिद परिवार संग गएर माफी माग्नुस । अब थाक्नु भो होला ठुलो बा , परिवर्तन चाहने हो भनि मानुसी दिदि लाइ अगाडी ल्याउनुस किनकि हजुर हामी कसैका लागि नया कदापी होइन ।
उही हजुरको अभागी भतिज,
प्रकाश सुवेदी
साभार-फेसबुक

सुन्नको लागि तलको प्ले बटनमा क्लिक गर्नुहोला,

गोर्खा अनलाईन रेडियो सुन्नको लागि IOS प्रयोगकर्ता हरुले यहाँ क्लिक गर्नुहोलाANDROID तथा कुनै पनि साधनबाट सुन्नको लागि यहाँ क्लिक गर्नुहोला ।

Check Also

बेलायतमा ग्लोबल आइएमइ बैकको सम्पर्क कार्यालयको उद्घाटन गरिंदै

Listen Gurkha Radio (गोर्खा रेडियो सुन्नुहोस) गोर्खा अनलाइन रेडियो, यही जनवरी २१ तारिखका दिन गभर्नर …