Home > Blog > बेलायतमा ऐतिहासिक नाटक ‘भीमसेन थापा’ को मन्चन गरिंदै

बेलायतमा ऐतिहासिक नाटक ‘भीमसेन थापा’ को मन्चन गरिंदै

Listen Gurkha Radio (गोर्खा रेडियो सुन्नुहोस)

गोर्खा अनलाइन रेडियो यूके
लन्डन, करिब तीन दशक लामो रंगमंचको यात्रा पार गरिसकेका र रंगमंचको क्षेत्रमा नेपालमा आफ्नो छुट्टै पहिचान बनाइसकेका नाट्यकर्मी एवं निर्देशक सनम कुमार बैरागले आफ्नो तेश्रो ऐतिहासिक नाटक भीमसेन थापाको प्रदर्शन गर्न लागेका छन् । सफल रंगकर्मी तथा निर्देशक सनम कुमार बैरागले यसघि भूकम्पको दर्दनाक पीडाले भरिएको नाटक समय दृश्य र द्वन्दकालिन परिवेश अनि संकुचित नेपाली समाज र नारी थिचोमिचो आदिले समेटिएको नाटक जीगीषा (जित्ने इच्छा) को सफल प्रदर्शन गरिसकेका छन् । भीमसेन थापाको प्रदर्शनको पूर्ण तयारी भैसकेको र आगामी मे महिनाको १२ र १३ मा बेलायतस्थित ह्यार्रोमा प्रदर्शनी गरिने पक्का भइसकेको नाटकका प्रमुख पात्र भीमसेन थापा अर्थात निर्देशक सनम कुमार बैरागले जानकारी दिएका छन् । नाटकमा भीमसेन थापाको भूमिका स्वयं निर्देशक सनम कुमार बैरागले निभाएका छन् । भीमसेन थापा युग कवि सिद्दीचरण श्रेष्ठको रचनामा प्रकाशक दुबसु क्षेत्री राष्ट्रिय विकास प्रतिष्ठान र खगेन्द्र नेपालीको अडियो बुकमा आधारित रहेको छ । नाटकमा भीमसेन थापाकी पत्नी भक्ति कुमारीको भूमिकामा सन् २०१२ की मिस यूके नेपाल दुर्गा गुरुंग रहेकीछन् । उनले यस अघि पनि नाटक समय दृश्यमा सफल अभिनय गरिसकेकी छन् । तेस्तैगरी समय दृश्य र जीगीषामा अभिनय गरिसकेका रंगकर्मी सुरेश श्रेष्ठले सुत्रधारको भूमिका निभाउने भएका छन् । बेलायतमा रहेर पनि रंगमंचको क्षेत्रमा एउटा छुट्टै इतिहास रच्न सफल व्यक्तिको रुपमा देखा परेका बैराग विगत केहि वर्षदेखि रंगमंचको क्षेत्र मार्फत बेलायतवासी नेपालीहरुमाँझ उदाएका हुन् । प्राय नाट्यकर्मीलाई पहिला स्क्रिप्टको आवश्यकता पर्दछ तर विना स्क्रिप्ट नाटक रच्ने खुवी भएका नाट्यकर्मी बैरागले बेलायतमा पनि रंगमंचको क्षेत्रलाई निरन्तरता दिंदै आइरहेका छन् । भिजन संसार डटकमको प्रस्तुति रहेको ऐतिहासिक नाटक भीमसेन थापाले पनि सफलता प्राप्त गर्ने र नयाँ कीर्तिमान राख्ने आशा राखेको नाटकमा सहभागी रंगकर्मीहरुले जानकारी दिएका छन् । प्रत्यक वर्ष एउटा नाटक प्रस्तुत गर्दै लैजाने लक्ष्य रहेको निर्देशक सनम कुमार बैरागले बताएका छन् ।
गोर्खा अनलाईन रेडियो सुन्नको लागि IOS प्रयोगकर्ता हरुले यहाँ क्लिक गर्नुहोलाANDROID तथा कुनै पनि साधनबाट सुन्नको लागि यहाँ क्लिक गर्नुहोला । यदि हामीलाई सम्पर्क गर्न चाहनुहुन्छ भने यहाँ क्लिक गर्नुहोला । साथै तलका मोबाईल एप्लिकेशनबाट पनि सुन्न सक्नुहुनेछ Untitled-1

Check Also

भदौ १ देखि बहुविवाह खारेज हुने

काठमाण्डौ-आउँदो भदौ १ गते देखि बहुविवाह कानुनी रूपमा दर्ता नहुने भएको छ । मौजुदा कानुनले …